రకరకాల శాంపూల వాడడం: జుట్టు సంరక్షణ కోసం జనాలు శాంపూలు వాడుతూ ఉంటారు. కానీ జుట్టును ఏది ఆరోగ్యంగా ఉంచుతుందో తెలియకుండా ఏది పడితే అది వాడడం వల్ల జుట్టు నిర్జీవంగా మారడం,పొడిబారడం, లేదా రాలిపోవడం జరుగుతుంది. కాబట్టి మీ వెంట్రకలను బట్టి మీకు ఎలాంటి శాంపూలు సెట్ అవుతాయో వాటిని వాడడం మొదటు పెట్టండి. అవసరమైతే వైద్యుల సలహా కూడా తీసుకోండి.
షాంపూ పెట్టిన వెంటనే జుట్టును కడగడం: చాలా మంది స్నానం చేసేప్పుడు శాంపూను పెట్టుకొని.. కొద్ది సెకన్లలోనే దాన్ని కడిగేస్తారు.ఇలా చేయడం ద్వారా మీ జుట్టులో షాంపూ మిగిలిపోతుంది. ఇది మీ జుట్టును బరువుగా, జిడ్డుగా, నిర్జీవంగా చేస్తుంది. కాబట్టి, మీ జుట్టుకు శాంపూ అప్ల చేసిన తర్వాత బాగా మసాజ్ చేసి శుభ్రంగా పూర్తి శాంపూ తొలగిపోయే వరకు కడగండి. ఇది మీ తలని శుభ్రంగా, జుట్టును తేలికగా తాజాగా ఉంచుతుంది.
షాంపూను నేరుగా తలకు రాయడం: చాలా మంది నేరుగా స్నానం చేసేప్పుడే షాంపూను నేరుగా తలపై వేసుకుంటారు. కానీ ఇది పెద్ద తప్పు. షాంపూను ఎప్పుగూ అరచేతిలో కొద్దిగా వేసుకొని దానిలో కొద్ది చుక్కలు నీరు కలిపి తర్వాత జుట్టుకు అప్లై చేయాలి. అదేవిధంగా, శాంపూను జుట్టు మూలాలకు ఎప్పుడూ అప్లై చేయకూడదు. ఎందుకంటే షాంపూ వేర్ల వరకు వెళితే, అది తలకు జిడ్డుగా మారుతుంది. జుట్టు కుదుళ్లను మూసుకుపోతుంది. అలాగే స్నానం చేసిన తర్వాత జుట్టును ఆరబెట్టడానికి మనం టవల్తో గట్టిగా తుడుచుకుంటాము. ఇలా చేయడం ద్వారా జుట్టు క్యూటికల్స్ను దెబ్బతింటాయి, జుట్టును బలహీనపడుతుంది. కాబట్టి ఎప్పుడూ మృదువైన కాటన్ వస్త్రంతోనే జుట్టును తుడుచుకోండి..
మళ్లీ మళ్లీ జుట్టును కడుక్కోవడం: మీ జుట్టును తరచుగా కడుక్కోవడం వల్ల మీ జుట్టులోని సహజ నూనెలు తొలగిపోతాయి. ఇది మీ జుట్టును పొడిబారేలా చేస్తుంది. అలాగే మీ తలపై ఎక్కువ నూనె ఉత్పత్తి అవుతుంది. ఇది మీ జుట్టును త్వరగా జిడ్డుగా మారుస్తుంది. కాబట్టి, వారానికి రెండు లేదా మూడు సార్లు మాత్రమే స్నానం చేసి, మీ జుట్టును కడగడానికి తేలికపాటి షాంపూని ఉపయోగించండి. ఇది జుట్టు రాలడాన్ని నివారించడంలో సహాయపడుతుంది.
తడి జుట్టును దువ్వడం: చాలా మంది తలస్నానం చేసిన వెంటనే తడి జుట్టును దువ్వుకుంటారు. నిపుణుల అభిప్రాయం ప్రకారం, తడిగా ఉన్నప్పుడు జుట్టు చాలా బలహీనంగా ఉంటుంది. ఈ సమయంలో దువ్వడం వల్ల జుట్టు రాలుతుంది. కాబట్టి, మొదట మీ జుట్టును సహజంగా ఆరనివ్వండి మరియు అది ఆరిన తర్వాత మాత్రమే, వెడల్పాటి దంతాల దువ్వెనను ఉపయోగించి దువ్వండి.