ఎప్పటిలాగే ఈ శుక్రవారం (మార్చి 06) కూడా ఓటీటీలోకి పలు కొత్త సినిమాలు, వెబ్ సిరీస్ లు వచ్చేశాయి. తెలుగుతో పాటు హిందీ, తమిళం, కన్నడ, మలయాళం, ఇంగ్లిష్ తదిరత భాషలకు చెందిన సినిమాలు, సిరీస్ లు ఇప్పుడు ఓటీటీలో సందడి చేస్తున్నాయి. ఇందులో ఒక ఇంట్రెస్టింగ్ తెలుగు క్రైమ్ థ్రిల్లర్ సిరీస్ కూడా ఉంది. బిగ్ బాస్ విజేత నిఖిల్ మాలియక్కల్ ఇందులో హీరోగా నటించడం విశేషం. స్పెషల్ ఇన్వెస్టిగేషన్ టీమ్ (SIT)లోని ఓ డిఫరెంట్ స్టైల్లో పని చేసే పోలీసు అధికారి విక్రమ్ వాసు పాత్రలో నిఖిల్ కనిపించాడు. అలాగే బిగ్ బాస్ ఫేమ్ అషు రెడ్డి మరో కీలక పాత్రలో మెరిసింది. ఇప్పటికే ఈ సిరీస్ నుంచి రిలీజైన టీజర్, ట్రైలర్ అభిమానులకు తెగ నచ్చేశాయి. బ్రహ్మ రుద్ర దర్శకత్వంలో తెరకెక్కిన ఈ సిరీస్ ను . జ్ఞాపిక ఎంటర్టైన్మెంట్స్ బ్యానర్ పై ప్రవీణ, అనిల్ కడియాల సంయుక్తంగా నిర్మించారు. ఈ ఓటీటీ సిరీస్లో ఒక్కో ఎపిసోడ్లో ఒక్కో క్రైమ్ను చూపించనున్నారని తెలుస్తోంది. ఆ కేసులను విక్రమ్ ఎలా సాల్వ్ చేశాడనే కథగా ఈ సిరీస్ సాగనుందని అర్థమవుతోంది.
శుక్రవారం అర్ధరాత్రి నుంచి ఓటీటీలోకి వచ్చిన ఈ సిరీస్ పేరు విక్రమ్ ఆన్ డ్యూటీ. సమాజంలో జరుగుతున్న నేరాలు, వాటి వెనక ఉన్న హంతకులు, రహస్యాలను విక్రమ్ ఎలా ఛేదించారన్న నేపథ్యంలో ఈ సిరీస్ సాగుతుంది. ఓటీటీలోకి వచ్చిన 24 గంటలు పూర్తి కాకముందే ఈ క్రైమ్ థ్రిల్లర్ సిరీస్ ఓటీటీ టాప్ ట్రెండింగ్ లో నిలిచింది. ఈ నేపథ్యంలో శనివారం (మార్చి 7) మేకర్స్ ప్రెస్ మీట్ కూడా నిర్వహించారు. ఈ సందర్భంగా హీరో మాట్లాడుతూ.. ‘ఇది నాకు చాలా కొత్త అనుభవం. విక్రమ్ వాసు పాత్రలో నేను చాలా ఎంజాయ్ చేశాను. ఒక్కో కేసు ఒక్కో రకంగా ఉంటుంది. ప్రేక్షకులు ఎప్పుడూ ఊహించని ట్విస్ట్లు ఈ సిరీస్ లో ఉంటాయి’ అని అన్నాడు. ఓటీటీలో మంచి క్రైమ్ థ్రిల్లర్ సినిమా లేదా సిరీస్ చూడాలనుకునేవారికి విక్రమ్ ఆన్ డ్యూటీ మంచి ఛాయిస్ అని చెప్పవచ్చు.
జియో హాట్ స్టార్ లో విక్రమ్ ఆన్ డ్యూటీ వెబ్ సిరీస్..
ViKRAM leaves his MARK on the cop universe.
When mass action blends with mystery and suspense, it becomes absolute cinema.
Watch Vikram on Duty, streaming now (also available in Kannada) on JioHotstar!
#VikramOnDuty #JioHotstarKannada #JioHotstarTelugu pic.twitter.com/D7OsraCkp5
— JioHotstar Telugu (@JioHotstarTel_) March 7, 2026
