మేషం: ఈ రాశికి లాభ స్థానంలో రాశ్యధిపతి కుజుడితో చంద్రుడు యుతి చెందడం, దాన్ని గురువు వీక్షించడం వల్ల ఈ రాశివారికి పట్టిందల్లా బంగారం అవుతుంది. అనేక వైపుల నుంచి ఆదాయం వృద్ధి చెందుతుంది. మనసులోని ముఖ్యమైన కోరికలు తప్పకుండా నెరవేరుతాయి. గృహ, వాహనాలకు సంబంధించిన కలలు నెరవేరే అవకాశం ఉంటుంది. ఆదాయం అంచనాలకు మించి పెరిగే అవకాశం ఉంది. వృత్తి, ఉద్యోగాల్లో హోదా పెరుగుతుంది. వ్యక్తిగత, ఆర్థిక సమస్యలు తగ్గుతాయి.
వృషభం: ఈ రాశికి దశమ స్థానంలో కుజుడితో చంద్రుడు కలవడం వల్ల ఈ మూడు రోజుల్లో ఏ నిర్ణయం తీసుకున్నా, ఏ ప్రయత్నం చేసినా తప్పకుండా సక్సెస్ అవుతుంది. ఆర్థికంగా మరింత మెరుగైన స్థితికి చేరుకోవడానికి, వృత్తి, ఉద్యోగాల్లో ఆశించిన పురోగతి సాధించడానికి, కొన్ని శుభ పరిణామాలు చోటు చేసుకోవడానికి బాగా అవకాశం ఉంది. జీవితంలో సానుకూల మార్పులు సంభవిస్తాయి. వ్యక్తిగత, ఆర్థిక సమస్యలు పూర్తిగా పరిష్కారమై మానసిక ప్రశాంతత కలుగుతుంది.
తుల: దశమాధిపతి చంద్రుడు, ధనాధిపతి కుజుడు పంచమ స్థానంలో కలవడం వల్ల ఆదాయ వృద్ది ప్రయత్నాలు బాగా సక్సెస్ అవుతాయి. మనసులోని కోరికల్లో ముఖ్యమైనవి నెరవేరే అవకాశం ఉంటుంది. వృత్తి, ఉద్యోగాల్లో అధికార యోగం పడుతుంది. జీవితపరంగా ఎటువంటి నిర్ణయం తీసుకున్నా, ఎటువంటి ప్రయత్నం తలపెట్టినా తప్పకుండా నెరవేరుతుంది. అనారోగ్య సమస్యల నుంచి విముక్తి లభిస్తుంది. ముఖ్యమైన వ్యక్తిగత, ఆర్థిక సమస్యలు పూర్తిగా పరిష్కారమవుతాయి.
వృశ్చికం: ఈ రాశికి చతుర్థ స్థానంలో రాశ్యధిపతి కుజుడు, భాగ్యాధిపతి చంద్రుడు కలవడం వల్ల ఈ రాశి వారికి వృత్తి, ఉద్యోగాల్లో కొన్ని శుభ పరిణామాలు చోటు చేసుకుంటాయి. వీరి కోరికలు, ఆశలు చాలావరకు నెరవేరే అవకాశం ఉంది. నిరుద్యోగులకు దూర ప్రాంతంలో ఉద్యోగం లభిస్తుంది. ప్రతి పనీ, ప్రతి వ్యవహారమూ గతం కంటే మెరుగ్గా ఉంటుంది. కీలక విషయాలకు సంబంధించి సరైన నిర్ణయాలు తీసుకోవడం చాలా మంచిది. ఉద్యోగ, పెళ్లి ప్రయత్నాల్లో మంచి శుభవార్తలు వింటారు.
మకరం: ఈ రాశికి ధన స్థానంలో కుజ, చంద్రుల కలయిక జరగడం, దాన్ని గురువు వీక్షించడం వల్ల ఆర్థికాభివృద్ధి ప్రయత్నాలన్నీ విజయం సాధిస్తాయి. ఏ నిర్ణయం తీసుకున్నా, ఏ ప్రయత్నం చేసినా తప్పకుండా ఫలిస్తుంది. ఉద్యోగ, పెళ్లి ప్రయత్నాలు ఫలించి, ఆశించిన విధంగా స్థిరపడడం జరుగుతుంది. విదేశీయానానికి అవకాశాలున్నాయి. విదేశాల్లో ఉద్యోగం కోసం చేస్తున్న ప్రయత్నాలు సఫలమవుతాయి. వృత్తి, వ్యాపారాలు మూడు పువ్వులు, ఆరు కాయలుగా సాగిపోతాయి.
కుంభం: ఈ రాశిలో కుజ చంద్రులు కలవడం, దాన్ని ధన స్థానాధిపతి నవమ దృష్టితో వీక్షించడం వల్ల ఆర్థికంగా జీవితంలో కొన్ని శుభ పరిణామాలు చోటు చేసుకునే అవకాశం ఉంది. కొత్త జీవన శైలి అలవడుతుంది. ఆర్థిక పరిస్థితి బాగా మెరుగుపడుతుంది. అనేక విధాలుగా ఆదాయం కలిసి వస్తుంది. వృత్తి, ఉద్యోగాల్లో ప్రాభవం, ప్రాబల్యం పెరుగుతాయి. నిరుద్యోగులకు, ఉద్యోగులకు విదేశీ ఆఫర్లు అందుతాయి. ఆరోగ్యం మెరుగుపడుతుంది. కుటుంబంలో సుఖ సంతోషాలు వృద్ధి చెందుతాయి.