అక్షరధామ్ ఆశ్రమంలో ఘనంగా రంగుల కేళి.. హోలీ వేడుకలకు అమెరికా రాయబారి సెర్గియో గోర్ హాజరు

రంగుల పండుగ హోలీ.. కలర్‌ఫుల్‌ సెలబ్రేషన్స్‌కి కేరాఫ్‌.. అందుకే.. వసంత రుతువులో వచ్చే హోలీ పండగను చెడుపై మంచి సాధించిన విజయానికి సంకేతంగా జరుపుకుంటారు. అన్నివర్గాల ప్రజలు ఆనందంగా పాల్గొంటారు. ఒకరిపై ఒకరు రంగులు చల్లుకుంటూ సంతోషంగా వేడుక చేసుకుంటారు. దేశవ్యాప్తంగా హోలీ వేడుకలు ఘనంగా జరిగాయి.

అటు ఢిల్లీలోని BAPS స్వామినారాయణ్ అక్షరధామ్ ఆశ్రమంలో హోలీ వేడుకలు ఘటనంగా జరిగాయి. హోలీ నాడు అక్షరధామ్ ఆలయాన్ని అమెరికా ప్రతినిధి బృందం సందర్శించింది. అమెరికా రాయబారి సెర్గియో గోర్, అమెరికా డిప్యూటీ సెక్రటరీ ఆఫ్ స్టేట్ క్రిస్టోఫర్ లాండౌ, అమెరికా స్పేస్ కమాండ్ జనరల్ స్టీఫెన్ వైటింగ్‌లతో కలిసి బుధవారం, మార్చి 4న న్యూఢిల్లీలోని BAPS స్వామినారాయణ్ అక్షరధామ్ ఆలయాన్ని సందర్శించారు.

స్వామినారాయణ్ అక్షరధామ్‌కు విశిష్ట నాయకులను స్వాగతించడం గౌరవంగా భావిస్తున్నానని గురూజీ మహంత్ స్వామి మహారాజ్ తెలిపారు. భారతదేశ ఆధ్యాత్మిక జ్ఞానం, సాంస్కృతిక వారసత్వం, సామరస్యం, శాంతి ఉమ్మడి విలువలకు ప్రతిబింబం అన్నారు. అందరికీ ఆనందకరమైన, ఉత్సాహభరితమైన హోలీ శుభాకాంక్షలు తెలిపారు. ఇటువంటి ప్రతినిధులు సందర్శించడం స్నేహం, పరస్పర గౌరవం, బంధాలను బలోపేతం చేస్తూనే ఉండాలని కోరుకున్నారు. కాగా, హోలీకి ఇది సరైన మొదటి గమ్యస్థానం అని, ఈ అసాధారణ ఆలయం భారతదేశ ఆధ్యాత్మిక వారసత్వాన్ని, శాశ్వత విలువలను ప్రదర్శిస్తుందని అమెరికా రాయబారి సెర్గియో గోర్ అన్నారు. అక్షరధామ్‌ బృందానికి హోలీ శుభాకాంక్షలు తెలియజేశారు.

A perfect first stop for Holi! Visited the @baps Swaminarayan Akshardham temple with @DeputySecState Landau and @US_SpaceCom General Whiting. This extraordinary temple showcases India’s spiritual heritage and enduring values. @DelhiAkshardham Wishing everyone a very HAPPY HOLI! pic.twitter.com/nGgtZDK2yB

— Ambassador Sergio Gor (@USAmbIndia) March 4, 2026

మరిన్ని జాతీయ వార్తల కోసం ఇక్కడ క్లిక్ చేయండి..