వృషభం: ఈ రాశివారికి ఈ నెలంతా కేతువు మినహా మిగిలిన గ్రహాలన్నీ అనుకూలంగా ఉండబోతున్నాయి. వీరికి అనేక రకాలుగా అదృష్టం పట్టే అవకాశం ఉంది. వీరు ఈ నెలంతా శుభ వార్తలు ఎక్కువగా వినడం జరుగుతుంది. ఉద్యోగంలో పదోన్నతి కలుగుతుంది. వృత్తి, వ్యాపారాలు బాగా బిజీగా సాగిపోతాయి. ఆదాయం బాగా వృద్ధి చెందుతుంది. ఉద్యోగ, పెళ్లి ప్రయత్నాల్లో శుభవార్తలు వింటారు. సంతాన యోగానికి అవకాశం ఉంది. ఉద్యోగులకు కొన్ని విదేశీ ఆఫర్లు అందుతాయి.
మిథునం: ఈ రాశికి ఒక్క చంద్రుడు మినహా మిగిలిన అనుగ్రహాలన్నీ బాగా అనుకూలంగా మారడం వల్ల పట్టిందల్లా బంగారం అవుతుంది. ఆదాయ వృద్ధి ప్రయత్నాలన్నీ నూరు శాతం విజయాలు సాధి స్తాయి. మనసులోని కోరికలు నెరవేరుతాయి. షేర్లు, స్పెక్యులేషన్ల వంటివి అంచనాలను మించి లాభిస్తాయి. ఉన్నత కుటుంబానికి చెందిన వ్యక్తితో పెళ్లి సంబంధం కుదురుతుంది. వృత్తి, ఉద్యోగాలరీత్యా విదేశాలకు వెళ్లే అవకాశం కలుగుతుంది. నిరుద్యోగులకు విదేశీ ఆఫర్లు అందుతాయి.
తుల: ఈ రాశికి కూడా చంద్రుడు మినహా మిగిలిన గ్రహాలన్నీ అనుకూలంగా ఉన్నందువల్ల మార్చి నెలాఖరు వరకు ఈ రాశివారి జీవితం నల్లేరు మీద బండిలా సాగిపోతుంది. షేర్లు, స్పెక్యులేషన్లతో సహా అదనపు ఆదాయ ప్రయత్నాలన్నీ సంపూర్ణ ఫలితాలనిస్తాయి. రావలసిన సొమ్ము చేతికి అందుతుంది. నిరుద్యోగులకు విదేశీ ఆఫర్లు కూడా అందుతాయి. ఉద్యోగులకు డిమాండ్ బాగా పెరుగుతుంది. ఉద్యోగంలో పదోన్నతులు కలుగుతాయి. వృత్తి, వ్యాపారాలు బాగా బిజీగా సాగిపోతాయి.
ధనుస్సు: ఈ రాశికి రాశ్యధిపతి గురువుతో సహా ఆరు గ్రహాలు బాగా అనుకూలంగా ఉండడం వల్ల ఈ రాశి వారికి ఈ నెలంతా విజయాలు, సాఫల్యాలతో సాగిపోతుంది. కొద్దిగా అర్ధాష్టమ శని ప్రభావం ఉండే అవకాశం ఉన్నప్పటికీ, వీరి జీవితం సుఖ సంతోషాలతో పురోగతి చెందుతుంది. రాజపూజ్యాలు కలుగుతాయి. రాజకీయ ప్రాబల్యం కలుగుతుంది. పలుకుబడి పెరుగుతుంది. ఆదాయం బాగా వృద్ధి చెందుతుంది. ఉద్యోగ, పెళ్లి ప్రయత్నాల్లో ఊహించని శుభ పరిణామాలు చోటు చేసుకుంటాయి.
మకరం: ఈ రాశికి ఒక్క కేతువు మినహా మిగిలిన గ్రహాలన్నీ బాగా అనుకూలంగా ఉండడం వల్ల ఈ రాశి వారికి ఈ నెలంతా యోగదాయకంగా సాగిపోతుంది. రాజయోగాలు, ధనయోగాలు కలుగుతాయి. ఆదాయం బాగా వృద్ధి చెందుతుంది. ఆర్థిక పరిస్థితి గతం కంటే బాగా మెరుగుపడుతుంది. ఆరోగ్యానికి ఇబ్బందేమీ ఉండదు. సంతాన ప్రాప్తికి అవకాశం ఉంది. ఉద్యోగులు, నిరుద్యోగులకు విదేశీ అవకాశాలు లభిస్తాయి. పెళ్లి ప్రయత్నాల్లో కూడా విదేశీ సంబంధం కుదిరే అవకాశం ఉంది.
