సోషల్ మీడియా ప్లాట్ఫామ్ అయిన ఎక్స్ (గతంలో Twitter) కీలక నిర్ణయం తీసుకుంది. ఎక్స్లో18+ వీడియోలు, అశ్లీల కంటెంట్పై భారత్లో అకస్మాత్తుగా పరిమితులు అమలులోకి వచ్చినట్టు వార్తలు వెలువడడంతో నెటిజన్లు స్పందిస్తున్నారు. ఈ నిర్ణయం తక్షణమే అమల్లోకి వచ్చిందని వినియోగదారులు చెబుతున్నారు. అయితే ఈ పరిమితులు నిజంగా Elon Musk వ్యక్తిగత నిర్ణయమా..? లేక భారత ప్రభుత్వ నిబంధనల ప్రభావమా అనే అంశంపై చర్చలు కొనసాగుతున్నాయి.
నెటిజన్ల స్పందన:
ప్రసిద్ధ ఎక్స్ ఖాతా “@LetsXOtt” ఈ నిర్ణయాన్ని స్వాగతిస్తూ, “Elon Musk banned 18+ videos in India. Respect @elonmusk ” అంటూ పోస్ట్ చేసింది. ఈ పోస్టుకు 1,600 కంటే ఎక్కువ లైక్స్ రావడం గమనార్హం. కొందరు వినియోగదారులు ఈ నిర్ణయాన్ని సామాజిక బాధ్యతగా అభివర్ణించారు.
అయితే మరోవైపు అసంతృప్తి వ్యక్తం చేసినవారు కూడా ఉన్నారు. “@LovelyFantasyyy” అనే యూజర్, “How can Elon Musk ban p*rn? All my bookmarks are now not showing the content,” అంటూ ఆగ్రహం వ్యక్తం చేశారు. తమ వ్యక్తిగత బుక్మార్క్లలో ఉన్న కంటెంట్ కనిపించకపోవడం వల్ల నిరాశ చెందుతున్నట్టు పేర్కొన్నారు. మరో యూజర్ “@tammubaby” కూడా “Elon Musk banned 18+ content?” అంటూ ఆశ్చర్యం వ్యక్తం చేశారు.
Elon Musk banned 18+ videos in india.
Respect @elonmusk 🫡 pic.twitter.com/QXmRa043nx
— Let’s X OTT GLOBAL (@LetsXOtt) March 3, 2026
నిబంధనల ప్రభావమా?
కొంతమంది వినియోగదారుల అభిప్రాయం ప్రకారం.. ఈ పరిమితులు భారతదేశంలోని డిజిటల్ కంటెంట్ నియంత్రణ నిబంధనల వల్ల అమలులోకి వచ్చి ఉండవచ్చని అంటున్నారు. భారత్లో ఆన్లైన్ ప్లాట్ఫారమ్లపై కంటెంట్ నియంత్రణకు సంబంధించిన చట్టాలు కఠినంగా అమలవుతున్న నేపథ్యంలో ఈ నిర్ణయం సంస్థపరమైన చర్య కావచ్చని విశ్లేషకులు భావిస్తున్నారు.
Elon Musk banned 18+ content?
— Tammubaby (@tammubaby) March 3, 2026
కొంతమంది వినియోగదారులు VPNల సహాయంతో ఈ పరిమితులను దాటేందుకు ప్రయత్నిస్తున్నట్టు సమాచారం. అయితే మరికొందరు ఈ నిర్ణయం కారణంగా ప్లాట్ఫారమ్ వినియోగం తగ్గే అవకాశముందని అంచనా వేస్తున్నారు.
ఇటీవలి కాలంలో స్పష్టమైన కంటెంట్పై ప్రపంచవ్యాప్తంగా పెరుగుతున్న నియంత్రణల నేపథ్యంలో ఈ పరిణామం చోటుచేసుకోవడం గమనించదగిన విషయం. ఎక్స్ భవిష్యత్తులో కంటెంట్ పాలసీలను ఎలా మలుచుకుంటుందో చూడాలి.
How can elon musk ban the porn, damn all my bookmarks are now not showing the content 😭😭
— Just Chocolate™ (@LovelyFantasyyy) March 3, 2026
భారతదేశంలోని వినియోగదారులు మార్చి 3, 2026 నాటికి కంటెంట్, అశ్లీల చిత్రాలను యాక్సెస్ చేయలేకపోయారని నివేదించారు. తరచుగా స్థానిక నిబంధనల కారణంగా కంటెంట్ పరిమితం చేయబడిందని నోటీసు ప్రదర్శిస్తోంది.
భారత ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ జనవరి 2026 ప్రారంభంలో X కి 72 గంటల సమ్మతి నోటీసు జారీ చేసింది. అశ్లీల కంటెంట్ను తొలగించాలని లేదా IT చట్టం ప్రకారం కఠినమైన చట్టపరమైన పరిణామాలను ఎదుర్కోవాలని సూచించింది.
మరిన్ని జాతీయ వార్తల కోసం ఇక్కడ క్లిక్ చేయండి
