సాధారణంగా బంగాళాదుంపలు అధిక గ్లైసెమిక్ ఇండెక్స్ కలిగి ఉంటాయి, అంటే వీటిని తినడం వల్ల రక్తంలో చక్కెర స్థాయిలు వేగంగా పెరుగుతాయి. కానీ వాటిని సరిగ్గా ఉడికించడం ద్వారా మనం ఈ ప్రమాదాన్ని తగ్గించవచ్చు.
నిల్వ చేసే పద్ధతి: బంగాళాదుంపలను ఉడికించిన తర్వాత వాటిని కనీసం 24 గంటల పాటు రిఫ్రిజిరేటర్లో ఉంచడం చాలా ముఖ్యం. ఇలా చేయడం వల్ల వాటిలోని సాధారణ స్టార్చ్, రెసిస్టెంట్ స్టార్చ్గా మారుతుంది. ఈ రెసిస్టెంట్ స్టార్చ్ సాధారణ స్టార్చ్ వలె త్వరగా జీర్ణం కాదు, శరీరంలో ఫైబర్గా పనిచేస్తూ, రక్తంలో చక్కెర స్థాయిలు వేగంగా పెరగకుండా నిరోధిస్తుంది.
వండే పద్ధతి: ఫ్రెంచ్ ఫ్రైస్, చిప్స్ డయాబెటిక్ రోగులకు అత్యంత ప్రమాదకరం. ఇవి టైప్-2 డయాబెటిస్ ప్రమాదాన్ని పెంచుతాయి. వీటికి బదులుగా బంగాళాదుంపలను తొక్క తీయకుండా ఉడకబెట్టడం లేదా నూనె లేకుండా కాల్చడం చాలా సురక్షితం.
సరైన సమతుల్యత: బంగాళాదుంపలను ఎప్పుడూ ఒంటరిగా తినకూడదు. వాటితో పాటు చేపలు, చికెన్, గుడ్లు వంటి ప్రోటీన్లు లేదా ఫైబర్ అధికంగా ఉండే కూరగాయలను చేర్చుకోవడం ద్వారా జీర్ణక్రియ నెమ్మదించి, చక్కెర స్థాయిలు అకస్మాత్తుగా పెరగకుండా ఉంటాయి.
తొక్కతో సహా తినడం: బంగాళాదుంప తొక్కలో ఎక్కువ ఫైబర్ ఉంటుంది, ఇది జీర్ణక్రియను నెమ్మదింపజేయడానికి సహాయపడుతుంది.
