అర కిలో పుంజు మాంసం, 3 టమాటాలు, అల్లం వెల్లుల్లి పేస్ట్, ఉప్పు, పసుపు, కారం, నూనె, పచ్చిమిర్చి, ఉల్లిపాయలు, చింతపండు పులుసు, ఒక టి స్పూన్ మసాలా పొడి, గస గసాలు, కొత్తిమీరను తీసుకోవాలి.
ముందుగా పుంజు మాంసాన్ని తీసుకుని నీటిలో శుభ్రంగా కడిగి ఒక గిన్నెలోకి తీసుకుని దానికి కొద్దిగా ఉప్పు, అర టీ స్పూన్ పసుపు, ఒక టేబుల్ స్పూన్ అల్లం-వెల్లుల్లి పేస్ట్, ఒక టేబుల్ స్పూన్ కారం, పెరుగు ఇలా అన్ని ముక్కలకు పట్టించి 20 నిముషాల పాటు పక్కన పెట్టుకోవాలి.
ఇక ఇప్పుడు కుక్కర్ తీసుకుని దానిలో ఆయిల్ వేసి అది వేడయ్యాక నాలుగు లవంగాలు, , గస గసాలు , 3 యాలకులు, కట్ చేసిన ఉల్లిపాయ ముక్కలు, పచ్చిమిర్చి ముక్కలు, కరివేపాకు వేసి రంగు మారే వరకు బాగా వేయించాలి.
ఇప్పుడు ముందుగా పక్కన పెట్టుకున్న మాంసాన్ని దానిలో వేసి, ఒక కప్పు చింత పండు రసం, ఒక గ్లాస్ నీళ్లు పోసి మూత పెట్టి 4 విజిల్స్ వచ్చే వరకు స్టవ్ మీదే ఉంచండి.
ముక్కలు ఉడికిన తర్వాత మసాలా పొడిని 5 నిముషాల పాటు ఉంచి చివర్లో దించే ముందు కొత్తిమీర ఆకులు వేసి ఒకసారి మిక్స్ అయ్యేలా దానిని కలుపుకుని కిందకు దించేయండి. అంతే వేడి వేడి పుంజు మాంసం కూర రెడీ.
