పాముల బెడద నుండి తప్పించుకోవడానికి తోటలో లేదా ఇంటి గుమ్మం దగ్గర సర్పగంధ మొక్కను నాటడం చాలా మంచిది. ఈ మొక్కలో అపారమైన ఔషధ గుణాలు ఉన్నాయి. ఇది మిరియాలు, పచ్చి మిరపకాయల వంటి అత్యంత ఘాటైన వాసనను వెదజల్లుతుంది. ఈ వాసన పాములకు అస్సలు పడదు. కేవలం పాములే కాదు, ఇతర సరీసృపాలు కూడా ఈ మొక్క ఉన్న ప్రాంతానికి రావడానికి ఇష్టపడవు.
కేవలం మొక్కే కాదు.. దాని వేర్లు, విత్తనాలు కూడా అద్భుతంగా పనిచేస్తాయి. ఇంటి కిటికీలు లేదా తలుపుల దగ్గర ఈ మొక్క వేర్లను కట్టడం వల్ల, వాటి నుండి వచ్చే బలమైన వాసనకు పాములు లోపలికి రాకుండా నిరోధించవచ్చు.
ఈ విత్తనాల్లో ఆల్కలాయిడ్స్, రెసర్పైన్, సర్పెంటైన్, అజ్మాలిసిన్ వంటి మూలకాలు ఉంటాయి. ఇవి పాములను తరిమికొట్టడంలో అత్యంత ప్రభావవంతంగా పనిచేస్తాయి.
పాములను దూరంగా ఉంచడానికి కేవలం సర్పగంధ మాత్రమే కాకుండా మన ఇంట్లో పెంచుకోదగ్గ మరికొన్ని మొక్కలు కూడా ఉన్నాయి. బంతి పువ్వు వాసన సరీసృపాలకు చికాకు కలిగిస్తుంది.
తులసిలోని ఔషధ గుణాలు, వాసన కీటకాలను, పాములను రాకుండా చూస్తాయి. లెమన్ గ్రాస్ లో ఉండే సిట్రస్ వాసన పాములకు అస్సలు ఇష్టం ఉండదు.
