సాధారణంగా సినీప్రముఖులకు సంబంధించిన చిన్ననాటి ఫోటోస్ తెగ వైరలవుతుంటాయి. ముఖ్యంగా తారల పర్సనల్ విషయాలపై నెటిజన్స్ ఎక్కువగా ఫోకస్ చేస్తుంటారు. ఈ క్రమంలో తాజాగా ఓ హీరో చిన్నప్పటి ఫోటో ఇప్పుడు అందరి దృష్టిని ఆకర్షిస్తుంది. ప్రస్తుతం అతడు దక్షిణాదిలో టాప్ హీరో. పైన ఫోటోలో కనిపిస్తున్న కుర్రాడిని గుర్తుపట్టారా.. ? ఎలాంటి బ్యాగ్రౌండ్ సపోర్ట్ లేకుండానే సినిమాల్లోకి అడుగుపెట్టారు. చిన్న చిన్న పాత్రలు పోషించిన ఈ హీరో.. ఆ తర్వాత వరుసగా బ్లాక్ బస్టర్ హిట్స్ అందుకుంటూ స్టార్ డమ్ సంపాదించుకున్నారు.
ఇప్పుడు హీరోగా సక్సెస్ అయ్యాక.. మరోవైపు తనకు ఇష్టమైన కార్ రేసింగ్ లో పాల్గొంటున్నారు. ఇప్పటికే మీకు అర్థం అయ్యే ఉంటుంది.. ఆ కుర్రాడు ఎవరో అని.. అతడే కోలీవుడ్ స్టార్ అజిత్ కుమార్. తమిళ చిత్రపరిశ్రమలో వన్ ఆఫ్ ది టాప్ హీరో. అజిత్ తన కెరీర్ ప్రారంభ దశలో అనేక సవాళ్లను ఎదుర్కొన్నాడు. కానీ విమర్శలను స్వీకరిస్తూనే అవకాశాల కోసం ప్రయత్నించాడు. మొదట్లో చిన్న చిన్న పాత్రలలో కనిపించిన అజిత్.. నెమ్మదిగా హీరోగా మారాడు. ఎన్నో హిట్ చిత్రాల్లో నటించి మెప్పించాడు.
అజిత్ కు బైక్ రైడింగ్ అంటే చాలా ఇష్టం. ఇప్పటికీ షూటింగ్ నుంచి బ్రేక్ దొరికితే బైక్ రేసింగ్ కు వెళ్తాడు. అలాగే ఆయనకు విమానం కూడా నడపగలడు. ఇప్పటికే విమానం నడపడం కోసం ట్రైనింగ్ కూడా తీసుకున్నాడు. విమానం నడపడం వచ్చిన ఏకైక హీరో అజిత్ కావడం విశేషం. ఇప్పటికే బైక్ పై అనేక దేశాలను చుట్టేశాడు అజిత్. 2000లో తన సహనటి బేబి షాలినిని ప్రేమ వివాహం చేసుకున్నాడు అజిత్. నాలుగు పదులు వయసు దాటిన జుట్టు పూర్తిగా తెల్లరంగులోకి మారిపోయినా కలర్ మాత్రం వేసుకోడు. అలాగే ప్రస్తుతం సోషల్ మీడియా ప్రపంచం అద్భుతమైన టెక్నాలజీతో దూసుకుపోతున్నా.. ఇప్పటికీ తనకంటూ ఓ ఫోన్ కూడా ఉపయోగించడు. సోషల్ మీడియాకు దూరంగా ఉంటాడు. 1992లో ప్రేమ పుస్తకం అనే సినిమాతో తెలుగు సినీ పరిశ్రమలోకి అడుగుపెట్టి ఆ తర్వాత తమిళంలో సెటిల్ అయ్యాడు అజిత్.
View this post on Instagram
(@ajithkumar_offll)మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
