ఆచార్య చాణక్యుడు రోజువారీ జీవితంలో ఎలా జీవించాలో, సమస్యలు ఎదురైతే వాటిని ఎలా పరిష్కరించుకోవాలో వంటి ఎన్నో జీవిత సత్యాలు ఆయన అర్ధశాస్త్రం గ్రంధంలో వివరించాడు. అందుకు కొన్ని అలవాట్లను మార్చుకోవాలని ఆచార్య చాణక్యుడు కోరాడు. ఈ అలవాట్లను మార్చుకోకపోతే, కష్టపడి పనిచేసినప్పటికీ ఎప్పటికీ మీకు గౌరవం లభించదు.
ఎదుటి వారి మన్నన పొండానికి, వారి దృష్టిలో మంచివాడిగా ఉండటానికి మీరు ఎల్లప్పుడూ వారి అభిప్రాయంతో ఏకీభవించే అలవాటు మీకూ ఉందా? ఇది మిమ్మల్ని కష్టాలపాలు చేస్తుందని ఆచార్య చాణక్యుడు హెచ్చరిస్తున్నాడు.
ఆచార్య చాణక్యుడి ప్రకారం మిమ్మల్ని మీరు గౌరవించుకోవాలి. మీరు మిమ్మల్ని మీరు గౌరవించుకోకపోతే ఇతరులు కూడా మిమ్మల్ని గౌరవించరు. మిమ్మలి మీరు బలహీనంగా భావిస్తే, ఇతరులు కూడా మిమ్మల్ని అదే విధంగా పరిగణిస్తారు.
ఆచార్య చాణక్యుడి ప్రకారం.. మీ సమయం, కృషి, నిర్ణయాలను గౌరవించాలి. ఒక వ్యక్తి సరైన మాటలు మాట్లాడటం ద్వారా విలువైనవాడు అవుతాడు. కాబట్టి మీరు ఎవరికైనా వాగ్దానం చేసి ఉంటే, దానిని నెరవేర్చండి. అప్పుడే వారు మిమ్మల్ని గౌరవిస్తారు.
ఎదుటి వ్యక్తిని బాధపెట్టకుండా ఉండేందుకు వారి అభిప్రాయంతో ఎల్లప్పుడూ ఏకీభవించడం తప్పు. మీరు మీ అభిప్రాయాన్ని ఎవరితోనూ పంచుకోకపోతే, ఎదుటి వ్యక్తి తప్పులను ఎత్తి చూపకపోతే, భవిష్యత్తులో మీకు గౌరవం తగ్గుతుంది.
