దక్షిణాది చిత్ర పరిశ్రమపై బాలీవుడ్ సూపర్ స్టార్ హృతిక్ రోషన్ ప్రత్యేక శ్రద్ధ పెడుతున్నారు. గతంలో వార్ 2 సినిమా సౌత్లో తనను ఘనంగా పరిచయం చేస్తుందని భావించినప్పటికీ, అది ఆశించిన ఫలితాలను ఇవ్వకపోవడంతో హృతిక్ కొంత నిరాశకు గురైనట్లు తెలుస్తోంది. ఈ పరిణామంతో ఆయన దక్షిణాది సినిమాలపై మరింత గట్టిగా దృష్టి సారించారు. తన డ్రీమ్ ప్రాజెక్ట్ అయిన క్రిష్ 4ని ప్రస్తుతానికి పక్కన పెట్టి, ముందుగా హోంబలే సంస్థతో ఒప్పుకున్న ప్రాజెక్ట్ను పూర్తి చేయాలని హృతిక్ రోషన్ నిర్ణయించుకున్నారని ముంబై మీడియా వర్గాలు నివేదించాయి. దక్షిణాదిలో తన స్థానాన్ని పటిష్టం చేసుకోవడం అత్యంత ప్రధానమని ఆయన భావిస్తున్నారు. క్రిష్ 4 విషయంలో కూడా హృతిక్ కేవలం నటుడిగానే కాకుండా, మెగా ఫోన్ని కూడా హ్యాండిల్ చేసే బాధ్యతను తీసుకోబోతున్నారు.
మరిన్ని వీడియోల కోసం :
