సైలెంట్ కిల్లర్.. హైపర్ టెన్షన్.. అంటే అధిక రక్తపోటు.. అని అర్థం.. ఇది దీర్ఘకాలికంగా ధమనులలో రక్తపోటు పెరిగే పరిస్థితి.. దీనికి సాధారణంగా లక్షణాలు ఉండవు.. కానీ చికిత్స చేయకుండా వదిలేస్తే గుండెపోటు, స్ట్రోక్, కిడ్నీ వైఫల్యం వంటి వ్యాధులకు కారణమవుతుంది. అధిక రక్తపోటు అనేది శరీరాన్ని లోపలి నుండి క్షీణింపజేసే విషం లాంటిదని వైద్య నిపుణులు హెచ్చరిస్తున్నారు.. అమెరికాలో, జనాభాలో సగానికి పైగా అధిక రక్తపోటుతో బాధపడుతున్నారు. భారతదేశంలో.. 20 కోట్లకు పైగా ప్రజలు అధిక రక్తపోటుతో బాధపడుతున్నారు. జాతీయ కుటుంబ ఆరోగ్య సర్వే నివేదిక ప్రకారం.. భారతదేశంలో 25 నుండి 54 సంవత్సరాల మధ్య వయస్సు గల వారిలో దాదాపు 35 శాతం మంది అధిక రక్తపోటుతో బాధపడుతున్నారు.
ఇంత తీవ్రమైన పరిస్థితి ఉన్నప్పటికీ, ప్రజలకు దాని గురించి ఖచ్చితమైన సమాచారం లేకపోవడం, అవగాహనతో ఉండకపోవడం ఆశ్చర్యకరం.. సాధారణంగా, ఒక వ్యక్తి రక్తపోటు 120/80 ఉంటుంది. అయితే, అది 130/80కి చేరుకుంటే, అది పెరిగినట్లు పరిగణిస్తారు.. అంతకంటే.. ఎక్కువగా ఉంటే దీన్ని తేలికగా తీసుకోకండి.. సకాలంలో దీనిని పరిష్కరించడంలో విఫలమైతే గుండె, మూత్రపిండాలు, మెదడు వ్యాధులు వంటి తీవ్రమైన వ్యాధులకు దారితీస్తుంది. అధిక రక్తపోటుకు గల కారణాలు ఏంటి..? నిపుణులు ఏం చెబుతున్నారో తెలుసుకోండి..
రక్తపోటు పెరగడానికి ప్రధాన కారణాలు..
ఢిల్లీలోని రాజీవ్ గాంధీ సూపర్‌స్పెషాలిటీ హాస్పిటల్‌లోని కార్డియాలజీ విభాగంలో అసోసియేట్ ప్రొఫెసర్ డాక్టర్ అజిత్ జైన్ వివరిస్తూ.. అధిక రక్తపోటుకు ప్రధాన కారణం సరైన ఆహారం తినకపోవడం… అలాగే ఉప్పు, వేయించిన ఆహారాలు, కొవ్వు పదార్ధాలు అధికంగా ఉన్న ఆహారాలు తినడం వల్ల రక్తపోటు పెరుగుతుంది. అదనంగా, అధిక చక్కెర – జంక్ ఫుడ్ కూడా రక్త నాళాలపై ప్రభావం చూపుతాయి..
మరో ప్రధాన కారణం ఒత్తిడి – జీవనశైలి.. నిరంతర ఒత్తిడి గుండె, మెదడు రెండింటికీ హానికరం. దీర్ఘకాలిక ఒత్తిడి, నిద్ర లేకపోవడం, శారీరక శ్రమ లేకపోవడం ఇవన్నీ రక్తపోటును పెంచుతాయి. అదనంగా, బరువు పెరగడం, ధూమపానం, మద్యపానం కూడా అధిక రక్తపోటుకు ప్రధాన కారణాలని వైద్య నిపుణులు అజిత్ జైన్ చెప్పారు.
రక్తపోటును నియంత్రించే ఆహారాలు
ఆహారంలో ఉప్పు తగ్గించండి..
వంట చేసిన తర్వాత ఆహారం మీద ఉప్పు చల్లుకోకండి.
ప్రాసెస్ చేసిన ఆహారాన్ని తీసుకోవడం తగ్గించండి.
తాజా, ఆకుపచ్చ ఆకు కూరలు తినండి.
మీ ఆహారంలో పండ్లు, పప్పులు – గింజలను చేర్చుకోండి.
ఆకుకూరలు శరీరంలోని పొటాషియం స్థాయిలను పెంచుతాయి. ఇది రక్తపోటును నిర్వహించడానికి సహాయపడుతుంది.
ఓట్స్, వేరుశెనగలు, వాల్‌నట్‌లు, బాదం వంటి ఆహారాలు కూడా గుండె ఆరోగ్యానికి దోహదం చేస్తాయి. ఇవి క్రమంగా రక్తపోటును తగ్గిస్తాయి.
మీ శరీరాన్ని హైడ్రేటెడ్ గా ఉంచుకోండి . డీహైడ్రేషన్ వల్ల రక్తపోటు పెరుగుతుంది. రోజుకు 7 నుండి 8 గ్లాసుల నీరు త్రాగడం అలవాటు చేసుకోండి. టీ – కాఫీ తీసుకోవడం పరిమితం చేయండి.
శారీరక శ్రమ – ధ్యానం.. పైన పేర్కొన్న చర్యలతో పాటు, వ్యాయామాన్ని మీ జీవితంలో ఒక భాగంగా చేసుకోవడం వల్ల రక్తపోటు నియంత్రణలో ఉంటుంది. ప్రతిరోజూ కనీసం 30 నిమిషాలు నడవడం, తేలికపాటి వ్యాయామం చేయడం, సుఖాసన, ప్రాణాయామం.. భ్రమరి ప్రాణాయామం వంటి యోగాసనాలను సాధన చేయడం వల్ల ఒత్తిడి తగ్గి ఆరోగ్యకరమైన గుండెను కాపాడుకోవచ్చు.
మరిన్ని హెల్త్ వార్తల కోసం ఇక్కడ క్లిక్ చేయండి..
