భారత అంతరిక్ష పరిశోధన సంస్థ (ఇస్రో) దేశీయ ఉపగ్రహాలను రక్షించేందుకు “ఆపరేషన్ శాటిలైట్ బాడీగార్డ్”ను ప్రారంభించనుంది. ఇందులో భాగంగా 27,000 కోట్ల రూపాయలతో 50 నిఘా ఉపగ్రహాలను ప్రయోగించనున్నారు. ఈ ఉపగ్రహాలు ఇతర దేశాల ఉపగ్రహాల నుండి వచ్చే సంభావ్య ముప్పులను ముందే గుర్తించి భారత ఉపగ్రహాలకు రక్షణ కల్పిస్తాయి. స్టార్ లింక్ ఉపగ్రహాల వంటి అంతరిక్ష వస్తువులతో సంభవించే ఢీకొట్టుకునే ప్రమాదాన్ని తగ్గించడం లక్ష్యం. భూమిపై ఉన్న కమాండ్ సెంటర్ల నుండి ఈ బాడీగార్డ్ ఉపగ్రహాలను నియంత్రిస్తారు. వచ్చే ఏడాది ఈ ప్రాజెక్టును పూర్తి చేయాలని ఇస్రో లక్ష్యంగా పెట్టుకుంది.
