తక్కువ కేలరీలు, తక్కువ సోడియం, అధిక ప్రోటీన్ కలిగిన కొన్ని అద్భుతమైన బ్రేక్ఫాస్ట్ రెసిపీలు ఏంటో తెలుసుకుందాం.. చాలామంది బరువు తగ్గాలని లేదా ఆరోగ్యం కోసమని ఉదయం పూట ఏదో ఒకటి అరకొరగా తింటుంటారు. కానీ, సరైన పోషకాలు లేని అల్పాహారం వల్ల మధ్యాహ్నం లోపే నీరసం వచ్చేస్తుంది. ప్రోటీన్ ఎక్కువగా ఉండే ఆహారం తీసుకుంటే కడుపు నిండుగా అనిపించడమే కాకుండా, కండరాల పుష్టిని ఇస్తుంది. ఈ రెసిపీలు కేవలం ఆరోగ్యకరమైనవే కాదు, చాలా రుచికరమైనవి కూడా!
Chocolate Strawberry Baked Oats & Orange Mango Flaxseed Shake.jpg
1. ధాన్యాలు, ఓట్స్ రెసిపీలు
- సేవరీ ఓట్మీల్ గ్రెయిన్ బౌల్- ఓట్స్ను సోయా పాలతో ఉడికించి, దానిపై పోచ్డ్ ఎగ్ (ఉడికించిన గుడ్డు), అవకాడో ముక్కలు, కాల్చిన ఎర్ర మిరపకాయల మిశ్రమంతో తీసుకుంటే అద్భుతంగా ఉంటుంది.
- చాక్లెట్-స్ట్రాబెర్రీ బేక్డ్ ఓట్స్- కోటేజ్ చీజ్, ఓట్స్, ప్రోటీన్ పౌడర్ కలిపి బేక్ చేసి, స్ట్రాబెర్రీలతో తీసుకునే ఈ వంటకం తీపిగా, రుచిగా ఉంటుంది.
- వనిల్లా-క్రాన్బెర్రీ ఓవర్ నైట్ ఓట్స్- రాత్రే నానబెట్టిన ఓట్స్లో వనిల్లా, క్రాన్బెర్రీలు కలిపి ఉదయం తింటే సమయం ఆదా అవుతుంది.
- స్ట్రాబెర్రీ & పీనట్ బటర్ ఓవర్ నైట్ ఓట్స్- సోయా పాలు, గ్రీక్ పెరుగు, పీనట్ బటర్ కలయికతో ఇందులో 17 గ్రాముల ప్రోటీన్ లభిస్తుంది.
2. ఎగ్, ప్రొటీన్ బౌల్స్
- హై-ప్రోటీన్ కోటేజ్ చీజ్ బౌల్- సాఫ్ట్ కుక్డ్ ఎగ్, డిల్ ఆకులు మరియు కోటేజ్ చీజ్తో చేసే ఈ బౌల్ ఉదయం పూట మంచి శక్తినిస్తుంది.
- స్పినాచ్ & ఫ్రైడ్ ఎగ్ గ్రెయిన్ బౌల్- నట్టి ఫ్లేవర్ ఇచ్చే వీట్ బెర్రీస్ బేస్గా, దానిపై పాలకూర, వేరుశనగలు, గుడ్డు వేసి చేసే పోషకాల గని ఇది.
- సౌత్ వెస్ట్ బ్రేక్ఫాస్ట్ స్కిల్లెట్- పుట్టగొడుగులు, బెల్ పెప్పర్స్, బేకన్, ఎగ్స్తో ఒకే పెనంలో చేసే ఈ వంటకం వెజిటేబుల్ కౌంట్ను పెంచుతుంది.
- స్టోవ్టాప్ వెజ్జీ ఫ్రిటాటా- తక్కువ ధరలో దొరికే గుడ్లు, ఫ్రోజన్ కూరగాయలతో త్వరగా చేసుకునే ప్రోటీన్ రిచ్ బ్రేక్ఫాస్ట్.
3. రిఫ్రెషింగ్ స్మూతీస్, షేక్స్
- ఆరెంజ్-మాంగో ఫ్లాక్స్ సీడ్ షేక్- పెరుగు, మామిడి పండు, అవిసె గింజల కలయికతో చేసే ఈ షేక్ వర్కవుట్ తర్వాత తీసుకుంటే చాలా మంచిది.
- చాక్లెట్-స్ట్రాబెర్రీ ప్రోటీన్ షేక్- సోయా పాలు, పెరుగు, కోకో పౌడర్తో షుగర్ లేకుండానే తీపిగా ఉండేలా చేసుకోవచ్చు.
- వాటర్ మిలన్-పీచ్ స్మూతీ- పుచ్చకాయ, పీచ్ పండ్లతో చేసే ఈ స్మూతీ వేసవి ఉదయాలకు పర్ఫెక్ట్.
- మిక్స్డ్ బెర్రీ బ్రేక్ఫాస్ట్ స్మూతీ- ప్రోటీన్, కార్బోహైడ్రేట్లు, ఫ్యాట్స్ సమానంగా ఉండి, పూర్తి భోజనం చేసిన అనుభూతినిస్తుంది.
4. పుడ్డింగ్స్, పార్ఫైట్స్
- బ్లూబెర్రీ & పీనట్ బటర్ చియా పుడ్డింగ్- చియా గింజలు, బాదం పాలు, బ్లూబెర్రీల మిశ్రమం. రాత్రంతా నానిన ఈ పుడ్డింగ్ చాలా క్రీమీగా ఉంటుంది.
- రాస్ప్ బెర్రీ-బనానా యోగర్ట్ పార్ఫైట్- గ్రీక్ పెరుగు, పీచు పదార్థం ఎక్కువగా ఉండే పండ్లు, పెకాన్ నట్స్తో పొరలు పొరలుగా చేసుకునే పోర్టబుల్ బ్రేక్ఫాస్ట్.
- స్ట్రాబెర్రీ & యోగర్ట్ పార్ఫైట్- గ్రీక్ పెరుగు, తాజా పండ్లు, క్రంచీ గ్రానోలా కలయిక.
5. శాండ్విచ్లు, బర్రిటోస్, ఇతరాలు
- ఎగ్, టొమాటో & ఫెటా బ్రేక్ఫాస్ట్ పిటా- పిటా బ్రెడ్లో ఫెటా చీజ్, కూరగాయలు మరియు జాటర్ మసాలా వేసి చేసే ఈ వంటకం సోడియం తక్కువగా ఉంటుంది.
- హై-ప్రోటీన్ గ్రీక్ సలాడ్ ఆమ్లెట్ ర్యాప్- ఎగ్ వైట్ ర్యాప్లో గ్రీక్ సలాడ్ నింపి చేసే ఈ వంటకం డిన్నర్కైనా, బ్రేక్ఫాస్ట్కైనా బాగుంటుంది.
- మేక్-అహెడ్ బ్రేక్ఫాస్ట్ బర్రిటోస్- గుడ్లు, పాలకూర, చీజ్ మరియు సెరానో పెప్పర్స్తో బర్రిటోస్ చేసి ఫ్రిజ్లో దాచుకోవచ్చు. ఎప్పుడు కావాలంటే అప్పుడు వేడి చేసుకుని తినొచ్చు.
- హామ్, ఎగ్ & స్ప్రౌట్స్ బ్రేక్ఫాస్ట్ శాండ్విచ్- కేవలం 5 నిమిషాల్లో తయారయ్యే ఈ ఓపెన్ ఫేస్డ్ శాండ్విచ్ రెస్టారెంట్ రుచిని ఇస్తుంది.
Bluberry & Peanut Butter Chia Pudding.jpg
ఆరోగ్యకరమైన ఆహారం అంటే రుచిలేనిది అని కాదు. పైన పేర్కొన్న రెసిపీలన్నీ రుచికి రుచిని, ఆరోగ్యానికి ఆరోగ్యాన్ని అందిస్తాయి. మీ రక్తంలో చక్కెర స్థాయిలను నియంత్రణలో ఉంచుకుంటూనే, మీకు ఇష్టమైన పండ్లు, నట్స్తో ఈ వంటకాలను మీ అభిరుచికి తగ్గట్టుగా మార్చుకోవచ్చు.