గోల్కొండలోని కొన్ని కట్టడాలు, చార్మినార్, కుతుబ్ షాహీల సమాధులు.. ఇలా నగర ఖ్యాతిని ఇనుమడింపచేసే ఎన్నో వారసత్వ కట్టడాల్లో పర్షియన్ వాస్తు శైలి కనిపిస్తుంది. మొహర్రం ఇరాన్, హైదరాబాద్ ప్రాంతాల సాంస్కృతిక జీవనానికి ఒక వారధి. దర్వాజ, ఖర్చు, మెహఫిల్, దావత్ వంటి పర్షియన్ పదాలు ఇక్కడి ఉర్దూ, తెలుగులో కలిసిపోయి భాషలను సుసంపన్నం చేసాయి. బిర్యానీ, ఇరానీ చాయ్, హలీం అక్కడి నుంచి వచ్చినవే. ఇరానీ కేఫ్లు, బిర్యానీ హోటళ్లు సైతం 20వ శతాబ్దం తొలినాళ్లలో ఇరానీలు ఇక్కడకు వచ్చి నెలకొల్పినవే. నేటికీ ఇరు ప్రాంతాల మధ్య వాణిజ్యం సాగుతోంది. నేటికీ హైదరాబాద్ నుంచి ఔషధాలు వెళితే, అక్కడి నుంచి కార్పెట్లు, డ్రైఫ్రూట్స్ వస్తున్నాయి. పాత నగరంలో ఇరానీ గల్లీ ఉండగా ఇరాన్ దౌత్యకార్యాలయం ఉన్న బంజారాహిల్స్లోని రోడ్ నెంబరు-7కు ఖమేనీ పేరు పెట్టారు.
మరిన్ని వీడియోల కోసం :
