సనాతన ధర్మంలో, ఆలయానికి వెళ్లడం కేవలం మతపరమైన కర్తవ్యమే కాదు, మనలో సానుకూల శక్తిని పెంచే మార్గమని కూడా నమ్ముతారు. దేవతల దర్శనం మనలో ఆత్మీయ శాంతి, ధార్మిక ఉల్లాసాన్ని తీసుకువస్తుంది. కానీ, ఆలయం నుంచి తిరిగి వచ్చిన వెంటనే కొంతమంది చేసే అలవాట్లు, సానుకూల శక్తిని పూర్తిగా పొందడంలో అడ్డంకిగా మారుతాయి. ఆలయం నుంచి తిరిగి వచ్చిన వెంటనే కాళ్లు, చేతులు కడుక్కోవద్దని పెద్దలు చెబుతుంటారు. దీని వెనుక కారణం ఉందని చెబుతుంటారు. తెలిసినవారు కారణాలు చెబుతారు కానీ.. తెలియని వారు అదే పద్ధతి అని చెబుతుంటారు. కానీ, ఇప్పుడు మనం గుడికి వెళ్లి వచ్చిన తర్వాత చేతులు, పాదాలను కడుక్కోవడం ఎందుకు మంచిది కాదో ఇప్పుడు తెలుసుకుందాం.
చేతులు లేదా పాదాలను కడుక్కుంటే..
ప్రాచీన గ్రంథాల ప్రకారం, ఆలయ ప్రాంగణం అత్యంత శక్తివంతమైన ప్రాంతం. మనం అక్కడ ప్రవేశించినప్పుడు, ఆ దైవిక శక్తి మనలో కలిసిపోతుంది. దర్శనం తర్వాత ఇంటికి తిరిగి వచ్చినప్పుడు ఆ శక్తి మనతో పాటు వస్తుంది. వెంటనే చేతులు లేదా పాదాలను కడుక్కుంటే, ఆ సానుకూల శక్తి నీటితో కలిసిపోతుంది. మనలోని శాంతి కొద్దిగా తగ్గుతుంది. అందువల్ల, కనీసం 15–20 నిమిషాలు నీటిని తాకకుండా ఉండటం మంచిది. ఇది శాస్త్రీయంగా నిరూపితమైనది కాదు, కానీ శతాబ్దాలుగా పాటించబడిన సంప్రదాయం.
ఆలయం నుంచి తిరిగి వచ్చిన తర్వాత పాటించవలసిన మూడు ముఖ్య సూచనలు:
- ఆలయం నుంచి బయటకు వచ్చిన వెంటనే చుట్టూ తిరుగుతూ చెడు మాటలు చెప్పకండి.
- మీరు పొందిన ఆత్మీయ శాంతిని భంగం చేయకుండా, నేరుగా ఇంటికి తిరిగి వెళ్లండి.
- చరణమృతం తీసుకురావడం: ఆలయం వద్ద నీటిని (చరణమృతం) కొద్దిగా కుండలో తీసుకురండి. ఖాళీ పాత్రతో తిరిగి రాకుండా చూడండి.
- ఇంటిలో నీటిని ఉపయోగించడం: ఆలయం నుంచి తెచ్చిన నీటిని ఇంటి ప్రతి మూలలో చల్లండి. ఇది ఇంటి నుంచి ప్రతికూల శక్తిని తొలగించి ఆనందం, శ్రేయస్సును పెంచుతుందని నమ్ముతారు.
(Disclaimer: ఈ వార్తలోని సమాచారం మత సంబంధమైన అంశాలపై ఆధారపడి ఉంది. దీనిని టీవీ9 తెలుగు ధృవీకరించదు.)