ఆపిల్.. ఈ చిన్న పండు ఆరోగ్యానికి అమృతాన్నిచ్చే శక్తులను కలిగి ఉందని చెబుతారు. ఆపిల్స్ రుచికరమైనవి మాత్రమే కాదు, వాటి విటమిన్లు, పోషకాలు వాటిని ఆరోగ్య బూస్టర్‌గా చేశాయి. అందుకే రోజుకో ఆపిల్ తింటే డాక్టర్‌తో అవసరమే ఉండదని వైద్యులు కూడా చెబుతుంటారు. అలాంటి ఆపిల్‌లో లభించే విటమిన్లు, పోషకాల గురించి మీరు ఎప్పుడైనా ఆలోచించారా..? ఆపిల్స్ ఆరోగ్యానికి, ఫిట్‌నెస్‌కు ఎలా ఉపయోగపడతాయి..? అవన్నీ మనకు ఎందుకు మంచివో ఇప్పుడు చూద్దాం…
ఆపిల్స్ ఉండే ఉండే ముఖ్యమైన విటమిన్లు:
ఆపిల్.. మంచి పోషకాలతో కూడిన పండు. ఇందులో వివిధ రకాల విటమిన్లు ఉంటాయి. ఆపిల్స్‌లో విటమిన్ సి పుష్కలంగా ఉంటుంది. ఇది రోగనిరోధక శక్తిని బలపరుస్తుంది. అదనంగా , ఆపిల్స్‌లో విటమిన్ ఎ, విటమిన్ ఇ , విటమిన్ కె, విటమిన్ బి కాంప్లెక్స్ కూడా ఉంటాయి.
ఇవి కూడా చదవండి
ఆపిల్స్‌లోని యాంటీఆక్సిడెంట్లు, ఫైబర్ గుండె ఆరోగ్యానికి చాలా ప్రయోజనకరంగా ఉంటాయి. యాపిల్స్‌ను క్రమం తప్పకుండా తీసుకోవడం వల్ల చెడు కొలెస్ట్రాల్ తగ్గుతుంది. మంచి కొలెస్ట్రాల్ పెరుగుతుందని వైద్యులు చెబుతున్నారు.
బరువు తగ్గడం నుండి మధుమేహం వరకు ప్రయోజనకరంగా ఉంటుంది. ఆపిల్స్ లో కేలరీలు తక్కువగా, ఫైబర్ అధికంగా ఉంటాయి. ఇవి బరువు తగ్గడానికి సహాయపడతాయి. ఆపిల్స్ తినడం వల్ల ఎక్కువసేపు కడుపు నిండి ఉంటుంది. అనవసరంగా తినడం తగ్గుతుంది. ఇంకా, ఆపిల్స్ లో పాలీఫెనాల్స్, యాంటీఆక్సిడెంట్లు ఉంటాయి. ఇవి టైప్ 2 డయాబెటిస్ ప్రమాదాన్ని తగ్గించడంలో సహాయపడతాయి .
ఏ ఆపిల్ మంచిది ?
ఎరుపు, ఆకుపచ్చ, పసుపుతో సహా అనేక రంగులలో ఆపిల్స్ లభిస్తాయి.. ఆకుపచ్చ ఆపిల్స్‌లలో ఎక్కువ ఫైబర్, తక్కువ చక్కెర ఉంటాయి. అయితే ఎరుపు ఆపిల్స్‌లో ముఖ్యంగా గుండెకు ప్రయోజనకరమైన యాంటీఆక్సిడెంట్లు పుష్కలంగా ఉంటాయి. పసుపు ఆపిల్స్‌లో కూడా ఎక్కువ మొత్తంలో పోషకాలు ఉంటాయి. కాబట్టి, మీ ఆహారంలో వివిధ రంగుల యాపిల్స్‌ను చేర్చుకోవడం మంచిది .
ఆపిల్స్ రుచికరమైన పండు మాత్రమే కాదు, వాటిలో సమృద్ధిగా ఉండే విటమిన్లు, ఖనిజాలు, యాంటీఆక్సిడెంట్లు వాటిని గొప్ప ఆరోగ్య బూస్టర్‌గా చేస్తాయి. రోజూ ఒక ఆపిల్ తినడం వల్ల అనేక వ్యాధులను నివారించవచ్చు. చెప్పాలంటే..ఆపిల్స్ మీ మొత్తం ఆరోగ్యాన్ని మెరుగుపరుస్తుంది.
మరిన్ని లైఫ్‌స్టైల్‌ వార్తల కోసం ఇక్కడ క్లిక్ చేయండి.
