ఘాటి చిత్రం విడుదలైన తర్వాత నటి అనుష్క శెట్టి కెరీర్, వ్యక్తిగత జీవితానికి సంబంధించి రకరకాల వార్తలు వైరల్ అయ్యాయి. అనుష్క సినిమాలు కొనసాగిస్తారా లేదా వ్యక్తిగత జీవితంలో స్థిరపడతారా అనే సందేహాలు అభిమానులను వెంటాడాయి. సైజ్ జీరో కోసం బరువు పెరిగినప్పటి నుంచి ఆమె లుక్స్, సినిమా ఎంపికపై విమర్శలు వచ్చాయి. భాగమతి, నిశ్శబ్దం పర్వాలేదనిపించినా, ఆమె రేంజ్కి తగ్గ విజయం సాధించలేదు. ఘాటి కూడా ఆశించిన ఫలితాన్నివ్వకపోవడంతో స్వీటీ బ్రేక్ తీసుకున్నారు. దీంతో ఆమె సినిమాలకు గుడ్బై చెప్పి పెళ్లి చేసుకోబోతున్నారని సోషల్ మీడియాలో వార్తలు ప్రచారమయ్యాయి. ఈ పుకార్లపై ఆమె టీమ్ స్పందించకపోవడంతో అభిమానుల్లో గందరగోళం నెలకొంది. అయితే, ఈ గందరగోళానికి తెరదించే అప్డేట్ త్వరలోనే రానుందని తెలుస్తోంది. అనుష్క ఓ కొత్త దర్శకుడితో సినిమా చేయబోతున్నారని, కథ కూడా ఓకే చేశారని ఫిల్మ్ సర్కిల్స్లో వార్తలు వినిపిస్తున్నాయి. త్వరలోనే ఈ సినిమా సెట్స్పైకి వెళ్లేందుకు సిద్ధమవుతోంది. బాహుబలి తర్వాత జేజమ్మకు జాతీయ స్థాయిలో గుర్తింపు లభించడంతో, ఆమె కొత్త సినిమా కోసం మంచి బజ్ క్రియేట్ అవుతోంది.
మరిన్ని వీడియోల కోసం ఇక్కడ క్లిక్ చేయండి
Also Watch:
Monalisa: ఇది లవ్ జిహాదేనా ?? మోనాలిసా వివాదం
నెగటివ్ ట్రోలింగ్ మీద గళం విప్పుతున్న నాయికలు
Rukmini Vasanth: కన్నడ సెంటిమెంట్.. రుక్మిణికి కలిసొస్తుందా ??
Priyanka Chopra: ఐశ్వర్యను చూసి స్ఫూర్తి పొందానన్న ప్రియాంక చోప్రా
Dhurandhar 2: భారీ నిడివి ధురంధర2కి వరమా ?? శాపమా ??