తెలంగాణ శాసనసభ స్పీకర్ ఎమ్మెల్యేల అనర్హత పిటిషన్లను కొట్టివేస్తూ ఇచ్చిన తీర్పును బీఆర్ఎస్ నాయకులు కడియం శ్రీహరి స్వాగతించారు. ఈరోజు డెసిషన్ ను ప్రకటించిన స్పీకర్, ట్రిబ్యునల్ చైర్మన్ గా వ్యవహరించారు. ఈ సందర్భంగా కడియం శ్రీహరి మాట్లాడుతూ, తాను ప్రస్తుతం బీఆర్ఎస్ పార్టీలోనే ఉన్నానని, పార్టీ సభ్యునిగా కొనసాగుతున్నానని స్పష్టం చేశారు. అయితే, బీఆర్ఎస్ పార్టీ నాయకత్వంతో కొన్ని విషయాలపై తనకు సిద్ధాంతపరమైన విభేదాలు ఉన్నాయని, అందుకే నాయకత్వానికి దూరంగా ఉంటున్నానని తెలిపారు. గత పదేళ్లలో బీఆర్ఎస్ అధికారంలో ఉన్నప్పుడు 36 మంది ఎమ్మెల్యేలను పార్టీలో చేర్చుకుని, అందులో ఇద్దరికి మంత్రి పదవులు కట్టబెట్టిన కేసీఆర్, ఇప్పుడు పార్టీ ఫిరాయింపులు, అనర్హత అంశాలపై ఎందుకు మాట్లాడటం లేదని కడియం శ్రీహరి ప్రశ్నించారు. తెలంగాణ ప్రజలకు కేసీఆర్ ముందుగా క్షమాపణ చెప్పాలని డిమాండ్ చేశారు.
మరిన్ని వీడియోల కోసం :